2020-მა წელმა ქაოსი, შიში და დაბნეულობა დაგვიტოვა. გარემოებების მიუხედავად, ვცდილობთ, ეს ყველაფერი დავძლიოთ როგორც პირად, ისე პროფესიულ ცხოვრებაში. ამ ფონზე ციფრული სამყარო განვითარებას აგრძელებს და ტენდენციებიც იცვლება.
ვებგვერდი bootcamp.com გვიზიარებს 2021 წლის ტრენდებს ვებდიზაინში და შთაგონებისკენ გვიბიძგებს.
დიდი ზომის ტიპოგრაფია
დიდი ზომის ტიპოგრაფია ვებდიზაინის მეინსტრიმი ხდება. მიზანი მომხმარებლის ყურადღება მიპყრობაა.
ამის მაგალითია Florian Monfrini-ის ვებსაიტი, რომელიც დიდი ზომის ტიპოგრაფიას ნახატებს თანაუწყობს.
2. ემოციური დიზაინი
ემოციური დიზაინის კონცეფცია მკვლევარმა დონალდ ნორმანმა ჯერ კიდევ 2004 წელს შეიმუშავა, თუმცა ახლაც ტენდენციურია. მისი მტკიცებით, ვებდიზაინი არის არა მხოლოდ ის, თუ როგორ გამოიყურება ნამუშევარი, არამედ ის, თუ რა გრძნობას აჩენს.
3. 3D ილუსტრაციები
3D ვიზუალები უფრო და უფრო პოპულარული ხდება. ვებგვერდზე ინტეგრირებული მაღალხარისხიანი გრაფიკა მარტივად აღსაქმელია და პოზიტიურ შთაბეჭდილებას ტოვებს.
4. რეტრო შრიფტები
პანდემიამ საზოგადოება ნოსტალგიური გახადა, რაც ვებდიზაინზეც აისახა. დიზაინერები რეტრო ფონტებზე გადაერთნენ. ეს შრიფტები მიმზიდველთან ერთად ხალისიანი და ლაღია.
5. გაუსური ბლარი
ფონზე დატანილი ბუნდოვანი ელემენტებიც ახალი ტრენდია. ფერების ამგვარი განაწილება თვალისთვის უცხო არაა. შესაძლოა, ორგანულადაც კი აღიქვას, რაც მომხმარებელში სასიამოვნო განცდას იწვევს.
6. ორგანული ფორმები
პოპულარული ხდება ორგანული და თავისუფალი ფორმების გამოყენება. გამრუდებული წრეები თუ სტრუქტურული ხაზები თვალისთვის მიმზიდველად ითვლება.
7 . მშვიდი ფერები
სქროლვისას თვალის დაძაბვა ერთხელ მაინც ყველას გამოგვიცდია. დიზაინერების მხრიდან ისეთი ფერების გამოყენება, რომელიც ჩვენგან კიდევ უფრო მეტ გადაღლას არ საჭიროებს, ბევრად უფრო მომგებიანი და ნაკლებად გამაღიზიანებელია.
8. მუქი რეჟიმი
მშვიდი ფერების მსგავსად, მუქი რეჟიმიც მარტივად წაკითხვას/აღქმას უწყობს ხელს.
9. მინიმალიზმი
მინიმალიზმი დიდი ხანია არსებობს და არსად „წასვლას არ აპირებს“. ერთი შეხედვით, თეთრი სივრცე - სიცარიელე ამცირებს შინაარსს, თუმცა მინიმალისტურად გადმოცემული სათქმელი დიზაინს ბევრად უფრო დახვეწილს ხდის.
10. ასიმეტრიული განლაგებები
შეიძლება, ეს არაორგანიზებულად გამოიყურებოდეს, თუმცა ინდივიდუალურობის განცდას ქმნის.
11. ვიზუალური თხრობა /Scrollytelling
წარმოიდგინეთ, ვებსაიტი, რომელიც ამბავს გვიყვება. ეს შეიძლება იყოს ადამიანის ცხოვრება თუ კომპანიის ისტორია. Scrollytelling, იგივე ვიზუალური თხრობა ვებ-დიზაინში მკვიდრდება. ამის საუკეთესო ნიმუშია კუბრიკის 90-ე დაბადების დღისადმი მიძღვნილი ვებგვერდი.
12. წარსულის არტი
ციფრულ ეპოქამდე, ფოტოსურათების, გრაფიკისა და ტექსტის თანწყობით შთამბეჭდავი ილუსტრაციების შექმნა წარმოუდგენელი იყო. ახლა კი, შეგვიძლია, შავ-თეთრი ფოტოს პერსონაჟის ხელში პიცა ან პლანშეტი დავაჭერინოთ და ზედ ტექსტიც დავაწეროთ.
13. დამახინჯებები და გლიტჩები
WebGL-ის, Three.JS-ისა და სხვა 3D ინტეგრაციების წყალობით, დიზაინერებს შეუძლიათ ხელოვნურად დაამახინჯონ ვიზუალები. რაც უნდა მოულოდნელი იყოს, ახლა ეს ტრენდია.
14. Parallax Scroll
პარალაქსის ვიზუალური ეფექტი გულისხმობს დამკვირვებელთან ახლოს მყოფი ობიექტების უფრო სწრაფად მოძრაობას, ვიდრე შორს მდებარე ობიექტებისას. ამის ნიმუშად, დაათვალიერე ენდრიუ ჰარდის პორტფოლიო აქ.
