ინტერნეტსივრცეში ვებგვერდის არსებობისთვის საჭიროა:
დომენი (საიტის სახელი, რომელსაც მისამართის ველში კრეფთ);
საიტის ფაილები (რომელსაც კომპანია თუ კერძო პირი მოამზადებს);
ჰოსტინგი, სერვერი (ვირტუალური სივრცე, სადაც განთავსდება საიტის ფაილები).
ანუ, დომენისა და ჰოსტინგის გარეშე საიტი არ არსებობს.
ახლა კი უფრო ვრცლად დომენის შესახებ:
დომენი - ეს არის თქვენი საიტის უნიკალური დასახელება, ანუ ის, რაც უნდა აკრიფოთ ბრაუზერის მისამართის ველში, რათა საიტზე მოხვდეთ.
იმისათვის, რომ საკუთარი დომენი გქონდეთ, საჭიროა დაარეგისტრიროთ დომენი დომენების რეგისტრატორ კომპანიასთან (საქართველოში ასეთია: https://nic.ge/ka/registrars)
დომენების სახელების სისტემაში (DNS) არსებობს სახელების იერარქია. ზედა დონეს (TLD) მიეკუთვნება - COM, NET, ORG, EDU, INFO, BIZ, TRAVEL, AGENCY, GE, CO.UK და ა.შ.
მიუხედავად იმისა, რომ TLD-ის უმრავლესობა ღიაა საჯარო რეგისტრაციისთვის, არსებობს დომენების რეგისტრაციის გარკვეული წესები, რომელიც ადგილობრივი, კონკრეტული ქვეყნის კიბერ-წესებით რეგულირდება.
ხშირად გამოიყენება გარკვეული TLD-ს „გაფართოებები“ ვებსაიტის მახასიათებლების აღწერისთვის. მაგალითად: EDU დაბოლოების დომენი განკუთვნილია საგანმანათლებლო დაწესებულებებისთვის (სკოლები, უნივერსიტეტები და ა.შ), BIZ - ბიზნესისთვის, ORG კი - არაკომერციული ორგანიზაციებისთვის.
დომენის სწორად შერჩევა კომპანიის წარმატებისკენ გადადგმული პირველი ნაბიჯია. წაიკითხეთ ჩვენი ბლოგი თემაზე - როგორ შევარჩიოთ კარგი დომენი.
