SSL (Secure Sockets Layer) პროტოკოლი მილიონობით საიტზე მონაცემთა დაცვისა და გაშიფვრის მიზნით გამოიყენება. ის მომხმარებლის ბრაუზერსა და სერვერს შორის უსაფრთხო კავშირის გარანტიას იძლევა. იმ შემთხვევაში, თუ საიტზე დაყენებულია SSL სერტიფიკატი, მისამართის ველში ჩაკეტილი ბოქლომი და პროტოკოლი - HTTPS გამოჩნდება. ეს ნიშნავს, რომ ამ საიტზე შეგიძლიათ, უსაფრთხოდ შეიყვანოთ თქვენი პირადი ინფორმაცია.
SSL სერტიფიკატის მქონე ვებგვერდი პრიორიტეტულია არა მხოლოდ მომხმარებლისთვის, არამედ Google-სთვისაა. ეს საძიებო სისტემა HTTPS პროტოკოლის მქონე საიტებს უფრო მაღალ პოზიციებში აყენებას, ვიდრე HTTP-ზე მომუშავე საიტების. ეს პირველი მიზეზია იმისა, თუ რა უპირატესობა აქვს SSL სერტიფიკატს ვებსაიტისთვის, თუმცა ეს ყველაფერი არაა. გიზიარებთ კიდევ 4 მიზეზს, თუ რატომ გჭირდებათ SSL სერტიფიკატი:
1. იცავს მონაცემებს
როგორც უკვე გითხარით, ეს მთავარი ფუნქციაა. ფარად აღმართულ SSL ტექნოლოგიებთან ჰაკერების იარაღები უძლურია. პირად მონაცემებს, რომლებიც შეგიძლიათ SSL სერტიფიკატის მქონე ვებგვერდებს გაანდოთ, განეკუთვნება:
2. ადასტურებს თქვენს ნამდვილობას
ერთხელ, ბიჭმა ინტერნეტით გაცნობილი გოგოს სანახავად 900 კმ გაიარა. მიმზიდველი გოგოს ნაცვლად კი კონკურენტი საფეხბურთო გუნდის წევრებს შეხვდა... ინტერნეტით მოტყუებულთა ყველა ისტორია ასეთი სასაცილო არ არის და „რა შევუკვეთე, რა ჩამოვიდა“ ფრაზის სიმძაფრესაც სცდება. ინტერნეტსივრცე დღითიდღე მატყუარა ხდება. ყალბ საიტებზე ხალხს ათასობით დოლარი დაუკარგავს. SSL სერტიფიკატის მეორე ძირითადი ამოცანა ვებსაიტის ნამდვილობის დადგენაა. ეს ვებუსაფრთხოებისთვის პრიორიტეტია.
3 . გეხმარებათ PCI / DSS-ის მოთხოვნების დაკმაყოფილებაში
თუ საიტზე ონლაინ გადახდების სისტემის დანერგვას აპირებთ, PCI / DSS-ის შესახებ მთავარი ამბავი უნდა იცოდეთ - ვებგვერდი უნდა შეესაბამებოდეს საგადახდო ბარათების ინდუსტრიის (PCI) სტანდარტებს. SSL სერტიფიკატის დაყენება კი, PCI-ს მიერ დადგენილი 12 ძირითადი მოთხოვნიდან ერთ-ერთია. ამიტომ, გინდათ თუ არა ეს, SSL აუცილებელია.
4. ზრდის მომხმარებლის ნდობას
ჩვენი ნება რომ იყოს, SSL-ს (Secure Socket Layer) დავარქმევდით TTL-ს (Trust Transmitting Layer)… ამას ჩვენ არ ვწყვეტთ, მაგრამ SSL სერტიფიკატის ამ უპირატესობაზე ხაზგასმაში ხელს არ გვიშლის. ყოველივე ზემოთ ჩამოთვლილის გათვალისწინებით, SSL სერტიფიკატის მქონე ვებგვერდების მიმართ მომხმარებლის ნდობა დიდია.
როგორ მივიღოთ SSL სერტიფიკატი
SSL სერტიფიკატის მისანიჭებლად, ვალიდაციის პროცესი უნდა გაიაროთ, რომელიც დამოუკიდებელი მესამე მხარის - სერტიფიკატების ორგანოს (CA) მიერ ხორციელდება. სერტიფიკატის ტიპის შესაბამისად, CA თქვენი და თქვენი ორგანიზაციის ვინაობას ამოწმებს. თქვენი ნამდვილობის დამტკიცების შემდეგ, ვებგვერდი ნდობის ინდიკატორს მიიღებს. შემდეგ, როცა მომხმარებლები ამას ხედავენ, იციან ვისთან აქვთ საქმე.
SSL სერტიფიკატების ტიპები
SSL სერტიფიკატის რამდენიმე ტიპი არსებობს, რომლებიც ერთმანეთისგან მიზნებით განსხვავდება: დომენის დამტკიცება (DV), გაფართოებული ვალიდაცია (EV), ორგანიზაციული დადასტურება (OV), Wildcard სერტიფიკატები და სხვა.
