ამბობენ, ონლაინ სამყაროს ერთი წელი, რეალური სამყაროს 5 წელიწადს უდრისო, თუმცა ინტერნეტსივრცეში ბიზნესის წამოწყების და განვითარების გზები არ იცვლება. თუ ამ გზას ახლა იკვალავთ, მიჰყევით ENTERPRENEUR.COM-ის მიერ შემოთავაზებულ ნაბიჯებს, რომელთა დაცვაც წარმატებული ონლაინ ბიზნესის წამოწყების გარანტია.
1. აღმოაჩინე, რა აკლია ბაზარს და შეავსე
2. დაწერე ქოფი, რომელიც პროდუქტს გაყიდის.
3. შექმენი ადვილად გამოსაყენებელი ვებსაიტი.
4. გამოიყენე საძიებო სისტემები საიტზე ტრეფიკის გასაზრდელად.
5. შეიქმენი ექსპერტის რეპუტაცია.
6. აწარმოე იმეილ მარკეტინგი
7. აქციე მყიდველი მომხმარებლად
8. იზრუნე რეპუტაციაზე
განვიხილოთ თითოეული ცალ-ცალკე
1.აღმოაჩინე, რა აკლია ბაზარს და შეავსე
ადამიანები, რომლებიც ბიზნესის კეთებით არიან დაინტერესებულნი, იწყებენ პროდუქტის ძებნით და შემდეგ ეძებენ ბაზარს. ეს შეცდომაა. წარმატების შანსების გასაზრდელად, დაიწყე ბაზრის კვლევით. იპოვე ადამიანთა ჯგუფი, რომლებიც ეძებენ კონკრეტული პრობლემის მოგვარების გზას, მაგრამ ვერ იღებენ სასურველ შედეგს. ინტერნეტი ამ სახის ბაზრის კვლევას აადვილებს: ეწვიე ონლაინ ფორუმებს, ფეისბუქ ჯგუფებს და ნახე, რა კითხვებს სვამენ ადამიანები და რა პრობლემების გადაჭრას ცდილობენ.
ჩაატარე კვლევა საკვანძო სიტყვებით, რათა იპოვო ის, რასაც ბევრი ეძებს, მაგრამ ბაზარზე ნაკლებკონკურენტულია.
შეამოწმე პოტენციური კონკურენტები - ნახე მათი საიტები და გააანალიზე, რას აკეთებენ ისინი მოთხოვნის შესავსებად. შემდეგ, შეგიძლია გამოიყენოთ ის, რაც ისწავლე და შექმნა პროდუქტი უკვე არსებული ბაზრისთვის. მთავარია ეს კონკურენტებზე უკეთ გააკეთო.
2. დაწერე ტექსტი, რომელიც პროდუქტს გაყიდის
არსებობს სარეკლამო ტექსტის (ქოფის) წერის ფორმულა, რომელიც მკითხველს პროდუქტის შეძენისკენ უბიძგებს:
ტექსტში ყურადღება უნდა გაამახვილო იმაზე, თუ როგორ გადაჭრის პროდუქტი მომხმარებლის პრობლემას ან გააუმჯობესებს მათ ცხოვრებას. იფიქრე, როგორც მომხმარებელმა.
3.შექმენი ვებგვერდი.
მას შემდეგ, რაც ბაზარი უკვე ნაპოვნია და პროდუქტის გაყიდვაც დაიწყე, ვებგვერდის შექმნის დროა. გახსოვდეს, რომ საიტის დიზაინი მხოლოდ ვიზუალი არაა. ის ყურადღებით უნდა აარჩიო და შეეცადო მომხმარებლისთვის იყოს მარტივად საორიენტაციო. შენ გაქვს 5 წამზე ნაკლები დრო იმისთვის, რომ საიტის სტუმრის ყურადღება მიიპყრო. წინააღმდეგ შემთხვევაში, ის იმედგაცრუებული გავა ვებგვერდიდან და უკან აღარასდროს დაბრუნდება
ამისთვის, რამდენიმე მნიშვნელოვანი რჩევა უნდა გაითვალისწინო:
ნაბიჯი 4: გამოიყენე საძიებო სისტემები მიზნობრივი აუდიტორიის საიტზე გადასაყვანად.
საკვანძო სიტყვები, სურათები, ფასები, გაყიდვების მიდგომები - ამ და სხვა რესურსების მიზნობრივად გამოყენება თქვენი საიტის ტრეფიკს შესამჩნევად გაზრდის. SEO ოპტიმიზაცია ორგანული ტრეფიკის გაზრდის საუკეთესო და იაფი გზაა.
ნაბიჯი 5: შეიქმენი ექსპერტის რეპუტაცია ბაზარზე
ხალხი ინტერნეტს ინფორმაციის მოსაძიებლად იყენებს. მოამზადე საინტერესო კონტენტი შენი ინდუსტრიის შესაბამისად - ვიდეოები, ბლოგები, ინფოგრაფიკა და ა.შ. მიაწოდე ეს ინფორმაცია სხვა საიტებს უფასოდ და გაავრცელე სოციალურ ქსელებში. ამით მიიღებ მეტ ტრეფიკს და საძიებო სისტემების უკეთეს რეიტინგს. საიდუმლო ისაა, რომ თითოეულ ასეთ მასალაში ჩალინკო შესაბამისი პროდუქცია ან სერვისი.
ვებგვერდზე დაამატე ბმული „გაუზიარე მეგობარს“.
იაქტიურე ინდუსტრიის ფორუმებსა და სოციალურ ქსელებში. ყველგან, სადაც შენი სამიზნე აუდიტორიაა.
ამ გზით ახალ მკითხველს და ახალ მომხმარებელს იპოვი. მთავარი კი ისაა, რომ ყველა საიტი, რომელიც შენს კონტენტს აქვეყნებს, შენს საიტზევე ბრუნდება.
ნაბიჯი 6: გამოიყენე იმეილ მარკეტინგის ძალა, რათა მნახველები მყიდველებად აქციო
პროდუქციის სია ონლაინ ბიზნესის ერთ-ერთი ყველაზე ძვირფასი აქტივია. შენმა კლიენტებმა, თავიანთი იმეილის მოცემით, მოგცეს უფლება გაუზიაროთ ინფორმაცია. ეს ნიშნავს შემდეგს:
ნაბიჯი 7: აქციე კლიენტი მომხმარებლად
ციფრული მარკეტინგის ერთ -ერთი ყველაზე მნიშვნელოვანი სტრატეგია არის თითოეული მომხმარებლის დაახლოება. იმ ადამიანების სულ მცირე 36 პროცენტი, ვინც თქვენგან ერთხელ იყიდა, კვლავ ყიდულობს თქვენგან, თუკი მათთან კავშირს გააგრძელებთ. პირველი გაყიდვა ყველაზე რთული ნაწილია - რომ აღარაფერი ვთქვათ ყველაზე ძვირადღირებულზე. ამიტომ გამოიყენეთ უკუგაყიდვების მეთოდები:
ნაბიჯი 8: იზრუნე ბრენდის ონლაინ რეპუტაციაზე
ონლაინ ბიზნესის წარმატება მთლიანად დამოკიდებულია მის რეპუტაციაზე. მცირე შეცდომასაც კი შენი ბრენდის ჩამოშლა შეუძლია. მთავარია კონტროლი. დააყენე Google Alerts შეტყობინება ვებგვერდზე. ამ გზით შეძლებ შეამოწმო ვინ და როგორ ახსენებს შენს კომპანიას.
ისწავლე მომხმარებლის შენიშვნებთან, საჩივრებთან გამკლავება. მაშინაც კი თუ კლიენტი ცდება, შეეცადე უპასუხო ისე, რომ შენზე ცუდი რეკომენდაციის დაწერისკენ არ უბიძგო.
